බලය, බල පොරය හා යුද්ද​ය..!

රණ්ඩුවක් යනු යුද්ධයක් නම් නොවේමය. යුද්ධයක් යනු රණ්ඩුවක්ද නොවේමය. මේ දෙක දෙකක්ම ය.

“කවුදැයි කවුදැයි, රණ්ඩු කරන්නේ,

සීයයි ආච්චීයි රණ්ඩු කරන්නේ,

කුමටද කුමටද රණ්ඩු කරන්නේ

දුම්කොළ  නැට්ටට රණ්ඩු කරන්නේ”

මිනිසුන් අතර පමනක්ම නොවේ, සතුන් අතරත් රණ්ඩු ඇතිවන්නේමය.

“කවුදැයි  කවුදැයි රණ්ඩු කරන්නේ

අම්මයි තාත්තයි රණ්ඩු කරන්නේ,

කුමටද කුමටද රණ්ඩු කරන්නේ,

මාසෙ පඩියටයි රණ්ඩු කරන්නේ”

යුද්ධය නම් මිනිසුන් අතරම පමණක් ඇතිවන ක්‍රියාවක් වන්නේය.එය කිසිවිටකත් රණ්ඩුව මෙන් පොදුවූ ක්‍රියාවක් නම් නොවන්නේමය.

“කව්දැයි කවුදැයි රණ්ඩු කරන්නේ,

අක්කයි නංගීයි රණ්ඩු කරන්නේ,

කුමටද කුමටද රණ්ඩු කරන්නේ,

අම්මගෙ මාලෙට රණ්ඩු කරන්නේ”

යුද්ධය නම් මිනිස් සමාජය ටම ලාක්ෂණික වූ ක්‍රියාවක්ම වන්නේමය. රණ්ඩුව මිනිසාට මෙන්ම සතුන්ටත් පොදුවූ ක්‍රියාවක්ම වන්නේය.

“කව්දැයි කවුදැයි රණ්ඩු කරන්නේ,

අයියයි මල්ලියි රණ්ඩු කරන්නේ,

කුමටද කුමටද රණ්ඩු කරන්නේ,

මායිම් වැටටයි රණ්ඩු කරන්නේ”

යූද්ධය.. යූද්ධය.. යූද්ධය…

මේ නම් මහා ක්‍රියාදාමයකි.මෙය නිසියාකාරව හඳුනාගැනීමට නම් එහි උපත දක්වාම ගමන් කලයුතුය. මෙහිදී මිනිස් ඉතිහාසයේ මුල සොයාගත යුතුමය. දුන්න  සහ ඊතලය සොයාගැනීමත් ගින්දර සොයාගැනීමත්, දඩයම් කිරීමත්, ගොවිතැන් කිරීමත්, යනාදී ක්‍රියාවන් නිසාම මිනිසා සමාජගතවීම සිදුවන්නේමය. මෙසේ බිහිවන මිනිස් සමාජයේ නිෂ්පාදනය නම් වූ අනර්ඝතම වන්නාවූ ක්‍රියාවලිය ඇතිවන්නේ නම් සියල්ලටම ඉහළින්ය. නිෂ්පාදනය ඇති වූයේ නම් වෙන කිසිවක් නිසා නොව මිනිස් අවශ්‍යතාවයන් නිසාමය. ආහාර, නිවාස, ඇදුම්…. යනාදී වූ අවශ්‍යතාවයන් ලබාගැනීම සඳහා පරිසරය වෙනස්කිරීම නිසාවෙන් නිෂ්පාදනය උපත ලබා ඇත්තේය.

නිෂ්පාදනය නම් අමුතුම අමුතුම ක්‍රියාවක්ම ය. එසේවන්නේ එය නොකඩවා දිගින් දිගටම ඉදිරියටම වර්ධනය වන්නාවූ ක්‍රියාවලියක්  වූ නිසාමය. නිෂ්පාදනය අමුතුම වන්නේ එය විසින් මිනිස් අවශ්‍යතා සියල්ලක්ම සඳහා භාණ්ඩද, සේවාවන්ද  ලබාදීම නිසාවෙන්ම ය.

 භාණ්ඩද සේවාවන්ද ඇතුළත් සියළුම දේ විසින් ඇතිකරන්නේ නම් මිනිසාගේ  ධනයමය.

ධනය නම් වටිනාම සම්පතයි.එය නම් රැක ගත යුතුමය.බලය නම්  වූ අනගිභවනීය දේ උපදින්නේ ඒ සඳහා මය. ධනය මෙන්ම බලයද වටින්නේමය. ධනය මෙන්ම බලයද ලබාගැනීමටත් ඒවා රැකගැනීමටත් යූද්ධය නම් ක්‍රියාවලිය ඇතිවන්නේය. යූද්ධයෙන් ජය ලබන්නාට ධනය ද බලයද උරුමවේ. යූද්ධයෙන් පරාජය වන්නාට ධනය ද බලය ද යන දෙකම අහිමි වන්නේමය.

 “වස්තුව ඉල්ලන කාශ්‍යප පුතුනේ ඇයි හදවත රිදවන්නේ..

ඇස් දෙක වාගේ මුගලන් සහ නුඹ පිය රජු සෙවනේ උන්නේ..”

“සිටුවා පස් ගස්වා මා මැරුමට කවුරුද පුතු සිත බින්දේ..”

 ධනය සහ බලය සිටින්නේ උඩම උඩය.අනෙක් සියලුම දේවල් සිටින්නේ ඊට පහළින්ම ය. ධනයත් බලයත් වෙනුවෙන් ඕනෑම වූ දෙයක් විනාශකිරීමට මිනිසා පසුබට නොවන්නේ නම් ඒනිසාම ය. විජයබා කොල්ලයේදි තමාගේම පුතුන් තුන්දෙනා එකතුවී තම පියා මරවන්නේ ද ඒ නිසාමය. ධාතුසේන රජතුමා තමාගේම පුතා වන කාශ්‍යප විසින් ඝාතනය කරන්නේ ද ඒ නිසාමය.

“නිතර නිතර සීතාවක රණබෙර ඇසුණා..

කොළඹ කොටුවේ බළල් මසුත් ගිනි ගණන් වුණා..

මුල්ලේරියා වෙලේ වතුර ලෙයට හැරවූනා..

ටිකිරි කුමරු රාජසිංහ නමින් රජවුනා”

ඉතිහසාසය පුරා අද දින දක්වාම දිගහැරෙන්නේ බලය සහ ධනය උදෙසාවු යූද්ධයන්ය. පණ්ඩුකාභය තම මාමාවරුන් සමඟද දුටුගැමුණු එළාර සමඟද, වළගම්බා සොළීන් සමඟද, යුධවදින්නේ බලය සහ ධනය වෙනුවෙන්ම ය.

අනුරාධපුර රාජධනියේ බිඳවැටීමත්, පොළොන්නරු රාජධනියේ ආරම්භයත් සිදුවන්නේ බලය සහ ධනය වෙනුවෙන් ම කලා වූ සටන්වලින් මය. සියළුම රජධානිව ල කතාන්තරය මෙයම මිස වෙන නම් එකක් නොවන්නේමය. ලන්දේසින්ගේ පෘතුගීසින්ගේ හා ඉංග්‍රීසීන්ගේ ආක්‍රමනවලද කථාවත් මෙහෙම වන්නේය.

“ පෘතුගීසිකාර යා රටවල් අල්ලන්න සූරයා..

හතුරු රාජ මාරය මුළු ලෝ හොල්ලන්න වීරයා..

කොළඹට ආවේ ඉඳලයි ලිස්බන් නගරේ..

අප ආ පාරේ පැතිරේ විනෝද මිහිරේ..

ඒක උගන්වන්න තමයි යුද්ධ කරන්නේ”

යුද්ධයයත්  රණ්ඩුවත් අතර මැදිව ඇත්තේ නම් බලපොරයි. බලපොරය නම් යුද්ධය නොවේමය. එය රණ්ඩුවද නොවේමය. මේ දෙකේම සමහර  ගුණාංගයන් නම් එහි අඩංගු වන්නේමය. බළපොරය නිතරම සෑම තැනකම පාහේ දක්නට ලැබෙන්නේ මය. පවුල තුළත්, නෑදෑයෝ අතරත්, ගමේ මරණා ධාර සමිතිය තුළත්, දක්නට ලැබෙන්නේය. ප්‍රාදේශීය සභා තුළද, පලාත් සභා තුලද පාර්ලිමේන්තුව තුලද, දක්නට ලැබෙන්නේ මය.

පසුගිය දිනවල මැතිවරණවලදී බලය ලබාගැනීමටද නොයෙක් පාර්ශ්වයන් අතර බල පොරයක් දක්නට ලැබිනි. මේ දිනවලනම් ජාතික ලැයිස්තුවට බලපොරයක් දක්නට දක්නට ලැබෙන්නේය. බලයද, බල පොරයද, ඇත්තේ නම් මිනිස් සමාජය තුල පමණක් මය. ඒවායින් සමාජයට සිදුවන්නේ යහපතක් ද,අයහපතක්ද යන්න පිළිබඳව සොයා බැලීම නම් ඉතාම වටිනා වූ ක්‍රියාවක් වන්නේමය. මක්නිසාදයත් ඒවා නම් මානව සමාජයටම ලාක්ෂනික වූ ක්‍රියාවන් වූ නිසාමය.

ගාමිණී ජයසූරිය.

(අධ්‍යයන කව​ය)

” 89-සහෝදරත්වය”

Source

• https://media.licdn.com/dms/image/D5612AQH-kTnfIG57eA/article-cover_image-shrink_600_2000/0/1676570191437?e=2147483647&v=beta&t=G86xvOHwbYv3OWK-n6Tc6P3u_EUQS5b5Xh5vAzIusk0
• source_https://blogger.googleusercontent.com/img/b/R29vZ2xl/AVvXsEj1AelsxPTCV-H8d7k3WGlqrmMGhZn-DWnynE6jwUSseksOhRJS2LWeOy9uFwxJ56BKbQNNHtQPgqODLeMpajc7hCTbjW__TUqh1BhBTiMRP4UBJKs8vyOp5hhc34Tv5o_Uqv_Yj-MVi5Uk/w1200-h630-p-k-no-nu/British-Ceylon.jpg