Cartoon of The Month (8)..!
කුර්දිශ් ජනවර්ගය යනු අතීතයේ පටන් ඉරාණයට අයත් මූලික ජනවාර්ගික කංඩායමක් ලෙස සැලකෙන නමුත්, ඔවුන් ගිනිකොණ දිග තුර්කියේත්, වයඹදිග ඉරාණයේත්, උතුරු ඉරාකයේත්, උතුරු සිරියාවේත් ප්‍රධාන ලෙස විසිරී සිටින ජනවාර්ගික කංඩායමකි. ඔවුන් ඒවායේ කඳුකර ප්‍රදේශ ආශ්‍රිතව ජීවත්වන කංඩායමකි.
පළමුවන ලෝක යුද්ධය බටහිර බලවතුන් ප්‍රමුඛ මිත්‍ර හමුදා ජයගෙන තුර්කියේ “ඔටෝමන්” අධිරාජ්‍යවාදය අවසාන කිරීමෙන් පසුව, 1920 දී බටහිර බලවත්න් විසින් තුර්කියේ කුර්දිශ් ජනවාර්ගය වෙනුවෙන විශේෂ පළාතක් වෙන්කර දීමට කටයුතු කලද ඉන්පසුව ක්‍රම ක්‍රමයෙන් ඉරාණය, ඉරාකය සහ තුර්කියේ සිදුවූ දේශපාලණ වෙනස් වීම් සහ පොදුවේ මැදපෙරදිග වෙනස් වීම් හමුවේ මෙම කුර්දිශ් වරුන්ගේ ගැටළුවට සාධාරණයක් ඉටුවූයේම නැත.
මිලියන 40 ක් පමණ වන කුර්දිශ් ජනගහණය අදවනවිටත් ලෝකය පුරා විසිරී සිටින අතර, සිරියාවේ උතුරු කොටසේ කුර්දිශ් වරුන් “ කුර්දිශ්ථාන්” නමින් ඔවුන්ගේ වෙනම පාළණයක් වෙනුවෙන් සටන් කිරීම අරඹාද බොහෝ කාලයක් ගතවී ඇත.
මේ අතරතුර කුර්දි කම්කරු පක්ෂය (PKK) ද සිරියාවේ උතුරු ප්‍රදේශයේ ස්වයං පාලණයක් සඳහා අබ්දුල්ලා ඔචලාන් ගේ නායකත්වයෙන් වාමාංශික හැඩරුවක් අනුව සංවිධානයවුනු කංඩායමක් ලෙස මෙම උතුරු සිරියාවේ ස්වයං පාලණය (රෝජාවා කොමියුනය) ලෙස නම් කරමින් එහි බලය තහවුරු කරගන්නේද අසාද් පාලනය බිඳ දමමින් උතුරු සිරියාවේ 30% ක බලයක් අත්පත් කරගත් ඉස්ලාම් අන්තවාදී කංඩායමක් වන ISS සමඟද විශාල ලෙස ගරිල්ලා සටනකින් ඉස්ලාම් අන්තවාදීන්ද පරාජය කරමිනි. මේ සඳහා SDF නමින් හැඳින්වූ ගරිල්ලා ව්‍යාපාරයේද සහාය ඇතුව විශේෂයෙන් කුර්දිශ් කාන්තා ගරිල්ලන් මැදිහත්වී කල සටනින් ඉස්ලාම් අන්තවාදීන් දහස් ගණනක් අල්ලා ගන්නා ලදී.
මෙම කාටුන් චිත්‍රය බ්‍රසීල ජාතික ලෝක ප්‍රසිද්ධ කාටූන් ශිල්පියෙකු වන කාර්ලෝස් ලටූෆ් (Carlos Latuff) විසින් 2014 දී කුර්දිශ්වරුන් ඝාතනය දෙස කැමැත්තෙන් බලාසිටින බටහිර සහ මැදපෙරදිග පාලකයින් ඉලක්ක කොට අඳින ලද්දකි. ඉස්ලාම් අන්තවාදීන් සමඟ කුර්දීශ්වරු සටන් කරන විට කුර්දිශ් වරුන්ද අඩපනවීම මෙම පාලකයින් බලාපොරොත්තු වූ බවට මෙම කාටුන් චිත්‍රයෙන් ලටූෆ් අඟවයි.
Carlos Latuff.
