වැලිගම සභාපතිවරයා ඝාතනය..!

මලිත්ට ගහද්දි ඇයි චංචලා අඬන්නේ?

වැලිගම ප්‍රාදේශීය සභාවේ සභාපතිවරයා ඝාතනය කිරීම සම්බන්ධයෙන් පසුගියදා විපක්ෂයේ විශාල විරෝධයක් පාර්ලිමේන්තුව තුළ දැක්වීමට කටයුතු කළේය. එහිදී විපක්‍ෂනායක සජිත් ප්‍රේමදාස මෙම ඝාතනය ජාතික ආරක්ෂාවට තර්ජනයක් ලෙස හුවා දක්වමින් කරුණු ඉදිරිපත් කරන ලදී. (එදිනද තමාට මරණ තර්ජන ඇති බව පවසමින් පර්ලිමේන්තුවේ දී ඩෙඟා නැටුවේය.) එසේම චාමර සම්පත් දසනායක ඇතුළු පිරිස ද මෙම ඝාතනය ජාතික ආරක්ෂාවට තර්ජනයක් වන බවත්, පාර්ලිමේන්තු මන්ත්‍රීවරුන්ගේ ආරක්ෂාව ඉවත් කිරීම හරහා මන්ත්‍රීවරුන්ගේ ජීවිතද විනාශ වීමට නියමිත බවත් සඳහන් කරමින් කරුණු ඉදිරිපත් කළේය. 

නමුත් මෙම වැලිගම ප්‍රාදේශීය සභාවේ මරණය දෙස පැතිකඩ දෙකකින් බැලිය හැක. ඉන් එක් පැත්තක් වන්නේ යහපත් සමාජයක් සෑදීමට උදේ හවා පාර්ලිමේන්තුව තුළ අනුන්ගේ කාලය ද වැය කරමින්, කාලය පිළිබඳව කිසිදු ආකාරයක සිතීමකින් තොරව කතා කරන සජිත් ප්‍රේමදාස විසින් අපරාධකරුවෙක් ලෙස දඬුවම් ලබමින් සිටි, තවත් එවැනි අපරාධ සහ මත්ද්‍රව්‍ය වෙළඳාම සම්බන්ධයෙන් චෝදනා ලැබ සිටි අයෙකුට පළාත් පාලන මැතිවරණය සඳහා අපේක්ෂකයෙකු ලෙස නාමයෝජනා ලබාදීම යි. මේ පිළිබඳ විපක්ෂ නායක වරයා තවමත් වගකීම භාරගන්නේ නැත.

ඔහුට  ඒ සඳහා තමන් වගකිවයුතු බව අවිඥානික වේ. ඔහු ඒ වෙනුවට කොහෙවත් නැති ජාතික ආරක්ෂාවක් අල්ලගෙන පාර්ලිමේන්තුවේ බෙරිහන් දෙයි. ලැබුණු අවස්ථාවෙන් ප්‍රයෝජනයට ගනිමින් මේ අවස්ථාවේදී සජිත් ප්‍රේමදාස ඇතුළු විපක්ෂය සිදු කරමින් සිටින්නේ මෙම මරණය තුළින් සිය දේශපාලනය ඉදිරියට ගෙනයාමයි. ආණ්ඩුවට එරෙහිව කිසිවක් කිරීමට නොහැකියාවක් වර්ධනය වෙමින් පැවති පරිසරයකදී මෙම ලැබුණු අවස්ථාව යනු ඉතා වටිනා අවස්ථාවකි.

අනෙක් අතට චාමර සම්පත් දසනායක කියන ආකාරයට මෙම වැඩි තැබීම මහජන නියෝජිතයකු ඉලක්ක කරගෙන සිදු කරන ලද්දක් නොවේ. මත්ද්‍රව්‍ය වෙළඳාමට සම්බන්ධ වූවන් හට අවසාන ඉරණම වන්නේ මෙයයි. එය ගොනා පිටුපස යන ගැල් රෝදය මෙන් මරණයද මත්ද්‍රව්‍ය ජාවාරම්කරුවන් පසුපස හඹා එයි. එය කිසිවෙකුට නතර කළ නොහැක. එය ඕනෑම රටකට මත්ද්‍රව්‍ය ජාවාරම් කරුවෙක් ට පොදු තත්වයකි. එබැවින් චාමර සම්පත් දසනායක ජාතික ආරක්ෂාව පිළිබඳව කලබල විය යුතු නැත. මෙම වෙඩිල්ල  මහජන නියෝජිතයෙකු පිළිබඳ ගැටලුවක් නොව මත්ද්‍රව්‍ය ජාවාරම්කරුවන් අතර ඇති ගැටලුවකි. එබැවින් දිය කොරැහේ කිඹුලන් පෙන්වමින් තමන් ද ඊට බිය වන තොත්ත බබාලා නොවන්න.

ඒකාධිපති ෆාමසිය.