ගම්මන්පිලව බේරාගෙන ඇත්තේ ඕස්ට්‍රේලියාවේ ශ්‍රී ලාංකික වෛද්‍යවරයෙක්..!
ව්‍යාජ ඇටර්නි බලපත්‍රයක් යොදාගනිමින් බ්‍රයන් ජෝන් සැඩික් නම් ඕස්ට්‍රේලියානු ජාතිකයකුට අයිති සමාගමක කොටස් රුපියල් මිලියන ගණනක වංචාවක් කිරීම සම්බන්ධයෙන් උදය ගම්මන්පිල අත් අඩංගුවට පත් වූ විටදී ඔහුට ආධාර කරන ලද්දේ ඕස්ට්‍රේලියාවේ පදිංචි ශ්‍රී ලාංකික වෛද්‍යවරයකු විසිනි. මෙම වෛද්‍යවරයා විසින් මුදල් ගෙවා බ්‍රයන් ජෝන් සැඩික් ගේ මුල්‍යම පාඩුව සමථයකට පත් කරන ලද අතර රුපියල් මිලියන 21ක මුදලක් සාපරාදී සාවද්‍ය පරිහරණය කළේ යැයි චෝදනා ලබා සිටි හිටපු අමාත්‍ය උදය ගම්මන්පිලට එම චෝදනා වලින් නිදහස් වීමට හැකි විය. මේ සඳහා තිරය පසු පස සිට ක්‍රියා කලේ ක්‍රියා කලේ මේ වෛද්‍යවරයා බව තතු දන්නෝ පවසති. ඇමැති උදය ගම්මන්පිල ද කලක් ඕස්ට්‍රේලියාවේ විසූ අතර ඔහුගේ පවුල තවමත් ඕස්ට්‍රේලියාවේ ය. මේ වෛද්‍යවරයා සහ ගම්මන්පිල ද ලඟ මිතුරන් වෙති. මේ වෛද්‍යවරයා විසින් ජෝන් සැඩික් සිද්ධියේදී ගම්මන්පිලට උපකාර කරන ලද්දේ මෙම වෛද්‍යවරයාට විරුද්ධව තිබූ ළමා අපයෝජන සිද්ධියක් නීතියෙන් බේරා දීම නිසාය.
above image source-https://divaina.lk/wp-content/uploads/2023/06/Udaya-gammanpila.jpg
2020 වසරේදී කොල්ලුපිටිය පොලිසිය විසින් බාල වයස්කාර පිරිමි ළමයින්ට ලිංගික අතවර කිරීමේ චෝදනාව මත ඉංග්‍රීසි ගුරුවරයෙකු මෙන්ම රූපවාහිනියේ ළමා රියැලිටි වැඩසටහනක සැලසුම්කරුවෙකු ලෙස කටයුතු කල එදිරිසිංහ නම් පුද්ගලයෙකු අත් අඩංගුවට ගන්නා ලදි. මොහුගේ පන්නිපිටියේ නිවසේ අල්මාරියක තිබී දරුවන්ගේ දර්ශන ඇතුළත් අසභ්‍ය සීඩී තැටි 130 ක් පමණ පොලිසිය විසින් සොයා ගන්නා ලදි. අත් අඩංගුවට ගත් සීඩී තැටි වල දරුවන්ට පාසල් නිල ඇඳුම් අන්දවා අසභ්‍ය ආකාරයට රූපගත කල දර්ශන මෙන්ම ළමුන් ගේ පූර්ණ නිරුවත් දර්ශනද තිබී ඇත. මොහුව අත් අඩංගුවට ගන්නා ලද්දේ කොල්ලුපිටිය පොලිස් ස්ථානාධිපති ප්‍රධාන පොලිස් පරීක්‍ෂක සුමිත් ගුණරත්න මහතා ඇතුළු නිලධාරීන් පිරිසක් විසිනි. පොලිසිය පවසන පරිදි එදිරිසිංහ විසින් අපයෝජනයට ලක් කර ඇති දරුවන් ප්‍රමාණය විසි දෙනෙකුට අධික බවත් ඔවුන් සියලු දෙනාම වයස අවුරුදු 8-12 අතර වයසේ පසුවන බවත් සඳහන් වෙයි.
image source-https://divaina.lk/wp-content/uploads/2021/08/ch-l.jpg
මේ කියන එදිරිසිංහ බාලවයස්කාර ළමුන් ගේ අසභ්‍ය වීඩියෝ චිත්‍රපට ඕස්ට්‍රේලියාවේ, ඇමරිකාවේ සහ යුරෝපයේ සිටින කාමාතුරයන්ට විකුණා විශාල ලෙස මුදල් උපයාගෙන ඇත. මොහු මෙම ජාවාරම සිදු කොට ඇත්තේ ඕස්ට්‍රේලියාවේ සේවය කරන ශ්‍රී ලාංකික වෛද්‍යවරයෙකු සමග බව මූලික පරීක්‍ෂණ වලදී හෙළිවී තිබුණි. මේ වෛද්‍යවරයා සහ මේ කියන එදිරිසිංහ විසින් එක්වී ළමා කාම වීඩියෝ නිශ්පාදනය කොට ඕස්ට්‍රේලියාවේ, ඇමරිකාවේ සහ යුරෝපයේ සිටින කුඩා දරුවන් කෙරෙහි විකෘති කාමාශාවෙන් පෙලෙන පුද්ගලයන්ට අලෙවි කොට විශාල මුදලක් උපයා ගන්නට ඇති බව පොලිසිය විශ්වාස කරයි. ඕස්ට්‍රේලියාවේ ජීවත් වන ඉහතකී ශ්‍රී ලාංකික වෛද්‍යවරයා ශ්‍රී ලංකාවේ සිටියදී මහනුවර ප්‍රදේශයේ එකොලොස් වියැති මුස්ලිම් පිරිමි දරුවෙකු ලිංගික ආයෝජනයට ලක් කොට මෙරටින් පළා ගිය පුද්ගලයෙකි.
මේ කියන එදිරිසිංහ ගේ හවුල්කරුවා වූ ඕස්ට්‍රේලියාවේ වෙසෙන ඉහතකී වෛද්‍යවරයා කන්තලේ ප්‍රදේශයේ පදිංචිකරුවෙකු වී සිටි අතර ඔහු දැඩි ආර්ථික දුෂ්කරතාවයන් මධ්‍යයේ ඉගෙන ගෙන වෛද්‍යවරයෙකු වී ඇති අයෙකු බව කියවේ. මොහු ලංකාවේ ප්‍රදේශ කිහිපයක රෝහල් වල සේවය කොට තිබේ. ඔහු මහනුවර ශික්‍ෂණ රෝහලේ සේවය කල සමයේදී නව හැවිරිදි පිරිමි ළමයෙකු ලිංගික අපයෝජනයට ලක් කොට ඇති අතර එම දරුවාගේ දෙමාපියන් දරුවා රෝහලට ගෙන එන ලද අවස්ථාවේදී බාහිර රෝගී අංශයේ සේවය කරන ලද වෛද්‍යවරියක විසින් එම ළමා අපයෝජනය පිලිබඳව රෝහල් පොලිසියට දැණුම් දීමට තැත් කල අවස්ථාවේදී චූදිත වෛද්‍යවරයා විසින් බලපෑම් කොට එය වලක්වන ලදි. ඉන් පසු මෙම දරුවා ළමා රෝග වාට්ටුවට ඇතුලත් කරන ලද අතර එවකට මහනුවර ශික්‍ෂණ රෝහලේ විශේසඥ ළමා රෝග වෛද්‍ය වරිය විසින් අපයෝජකයාට වාසි වන පරිදි ළමා අපයෝජන සිද්ධිය වෙනුවට වෙනත් රෝග ලක්‍ෂණ සඳහන් කොට සුළු ප්‍රතිකාරයකින් අණතුරුව එම දරුවාගේ ටිකට් කපා තිබේ. ඊට හේතුව වී ඇත්තේ විශේසඥ ළමා රෝග වෛද්‍ය වරියගේ සැමියා ශල්‍ය වෛද්‍ය විශේසඥ වරයෙකු වන අතර ඔහු ඉහත කී වෛද්‍යවරයාගේ ගජ මිතුරෙකු වීමයි. මෙම ඕස්ට්‍රේලියාවේ පදිංචිව සිටින වෛද්‍යවරයා විසින් මීට පෙරද ළමා අපයෝජන සිද්ධීන් කීපයක් සම්බන්ධව චෝදනා ලබා තිබුනද ඔහුට එරෙහිව නීතිය ක්‍රියාත්මක වී නොමැත. කෙසේ නමුත් අදාල සිදුවීමෙන් පසු ඔහු කිසිම දැණුම් දීමකින් තොරව මහනුවර ශික්‍ෂණ රෝහලෙන් සේවය අතහැර ගොස් තිබේ. පසුව ඔහු ඕස්ට්‍රේලියාවට ගොස් ඇඩිලේඩ් නගරයේ රෝහලක රැකියාවක් ලබාගෙන තිබේ.
මෙම වෛද්‍ය වරයා සහ ඉහතකී එදිරිසිංහ දීර්ඝ කාලීන මිතුරන් වන අතර මොවුන් දෙදෙනා විසින් එක්වී ළමා කාම වීඩියෝ නිශ්පාදනය කොට ඕස්ට්‍රේලියාවේ, ඇමරිකාවේ සහ යුරෝපයේ සිටින කුඩා දරුවන් කෙරෙහි විකෘති කාමාශාවෙන් පෙලෙන පුද්ගලයන්ට අලෙවි කොට ඇත. මෙම කාම ජාවාරම මගින් මොවුන් දෙදෙනා විශාල මුදලක් උපයා ගන්නට ඇති බව පොලිසිය විශ්වාස කරයි. ළමා අපචාර සිද්ධීන් සම්බන්ධයෙන් අත් අඩංගුවට ගනු ලැබූ මේ කියන එදිරිසිංහ මේ වන විට නීතියේ සිදුරින් රිංගා ගොස් ඇත්තේද අමාත්‍ය ගම්මන්පිලගේ ගේ සහායෙන් බව කියවේ. මේ කියන එදිරිසිංහ ද ඇමැති ගම්මන්පිලයේ ලඟ මිත්‍රයෙකි. එදිරිසිංහ ගම්මන්පිලට පොතක් පිළිගන්වන අවස්ථාවක් දැක්වෙන සේයාරුවක්ද ඒ කාලයේ මාද්‍යවල පලවිය. මේ දෙදෙනාගේ මිත්‍රකම පිලිබඳව එය ඊට හොඳ උදාහරනයකි.
හිටපු අමාත්‍ය උදය ගම්මන්පිල විසින් මේ වෛද්‍යවරයාව මෙම ළමා අපචාර සිද්ධියේ දී ගලවා ගන්න ලදි. එහෙත් මේ කියන එදිරිසිංහ රිමාන්ඬ් විය. ශ්‍රී ලංකාව කේන්ඳ්‍ර කොට ගෙන අන්තර්ජාතිකව මහා පරිමාණයෙන් පවත්වාගෙන ගිය ළමා කාම වීඩියෝ ජාවාරම පිලිබඳ විමර්ශණ කටයුතු වලදී ශ්‍රී ලංකා පොලිසිය විසින් ඕස්ට්‍රේලියානු බලධාරීන්ට ප්‍රමාණවත් සහායක් ලබා දී නොමැත. තවද මෙම අපයෝජනය පිලිබඳව මෙතෙක් සිදු කරන ලද පරීක්‍ෂණ ඕස්ට්‍රේලියානු බලධාරීන්ට මෙතෙක් ලබාදී නොමැති අතර මේ නිසා මේ වෛද්‍යවරයාට විරුද්ධව පියවර ගැනීමට ඕස්ට්‍රේලියානු බලධාරීන් අපොහොසත් වී තිබේ. මේ වන විට මේ වෛද්‍යවරයා ඕස්ට්‍රේලියානු බලධාරීන් ගේ පූර්ණ ආවේක්‍ෂණයක් යටතේ සිටින අතර ළමුන් සම්බන්ධ ක්‍රියාකාරකම් වලට සහභාගි වීම සඳහා ඔහුට සීමා පනවා තිබේ. කාලයක් රිමාන්ඬ් භාරයේ සිටි ඉහතකී එදිරිසිංහ නීතියේ සිදුරෙන් බේරී ගොස් මේ වන විට විදේශයකට පළා ගොස් ඇති බව විශ්වාස කෙරේ.
Ranjana Senanayake.
