මාළිමා ආණ්ඩුවෙන් CID ගිය ගණන හතරට නගී…!
ජාතික ජන බලයවේග ආණ්ඩුවට මාසයක් ඉක්ම යන විට, අපරාධ පරීක්ෂණ දෙපාර්තමේන්තුවට (CID) එහි මැති ඇමතිවරුන් කිහිපදෙනකු විසින් විවිධ කාරණා සම්බන්ධයෙන් පැමිණිලි ඉදිරිපත් කර ඇත.
අවම වශයෙන් ජාතික ජන බලයවේග මැති ඇමතිවරුන් හතරදෙනකු දැනටමත් අපරාධ පරීක්ෂණ දෙපාර්තමේන්තුවට පැමිණිලි කර තිබේ.
above image sorce_http://island.lk/wp-content/uploads/2024/12/Harshana.webp
අධිකරණ අමාත්‍ය හර්ෂණ නානායක්කාර විසින් පාර්ලිමේන්තු වෙබ් අඩවියේ තම නමට ඉදිරියෙන් ‘ආචාරය’ යන පදවි නාමය එක් කිරීම පිළිබඳව කරන ලද පැමිණිල්ලක් සම්බන්ධයෙන් අපරාධ පරීක්ෂණ දෙපාර්තමේන්තුවේ පරීක්ෂණයක් මේ වනවිටත් ක්‍රියාත්මක වේ.CID රහස් පරීක්ෂක කණ්ඩායමක් පසුගියදා පාර්ලිමේන්තුවට පැමිණ පාර්ලිමේන්තු කාර්ය මණ්ඩලයේ කිහිපදෙනෙකුගෙන් ප්‍රකාශ සටහන් කරගත්හ.මෙම පරීක්ෂණයට අදාළව ප්‍රකාශ සටහන් කරගැනීම සඳහා තවත් දෙදෙනකු සිකුරාදා අපරාධ පරීක්ෂණ දෙපාර්තමේන්තුව හමුවට කැඳවා තිබිණි.
image source_https://lankatruth.com/en/wp-content/uploads/2022/09/Sunil-Handunneththi-2022.09.02-1.jpg
රටවල් කිහිපයක සිටින ශ්‍රී ලාංකිකයන් ඉලක්ක කර ගනිමින්, WhatsApp හරහා සිය නම භාවිත කරමින් සිදුකරන වංචාවක් සම්බන්ධයෙන් කර්මාන්ත අමාත්‍ය සුනිල් හඳුන්නෙත්ති ද CIDයට පැමිණිල්ලක් පසුගියදා ඉදිරිපත් කළේය.
මේ අතර, තමා සතුව පවතින අධ්‍යයන සුදුසුකම් නොමැති බවට සමාජ මාධ්‍ය ජාලා ප්‍රකාශ කිරීම සම්බන්ධයෙන් බලශක්ති අමාත්‍ය කුමාර ජයකොඩිද අපරාධ පරීක්ෂණ දෙපාර්තමේන්තුවට පැමිණිලි කර තිබේ.
ජාතික ජන බලයවේග කොළඹ දිස්ත්‍රික් පාර්ලිමේන්තු මන්ත්‍රිනී ආචාර්ය කෞෂල්‍යා ආරියරත්න, තමාව පෞද්ගලිකව ඉලක්ක කර “සමාජ මාධ්‍යවල සංසරණය වන ද්වේශසහගත සහ අසත්‍ය ප්‍රවෘත්ති” සම්බන්ධයෙන් පසුගිය සිකුරාදා CID වෙත පැමිණිලි කළ නවතම ජාතික ජන බලයවේග සාමාජිකාව බවට පත්විය.
ජාතික ජන බලයවේගයේ කොළඹ දිස්ත්‍රික් පිරිමි මන්ත්‍රීවරයෙකු සහ එම පක්ෂයේම මන්ත්‍රීවරියක අතර ඇති බව කියන ප්‍රේම සම්බන්ධයක් සම්බන්ධයෙන් ජනමාධ්‍ය වාර්තා කිරීම හේතුවෙන් ඇය මෙම පැමිණිල්ල කර තිබේ.
අදාළ මන්ත්‍රීවරයාගේ බිරිඳ පිළියන්දල පොලිසියටද පැමිණිල්ලක් කර ඇත.
“මා පිලිබඳව සමාජ මාධ්‍ය ඔස්සේ පැතිර යන ද්වේශසහගත සහ මුළුමනින්ම අසත්‍ය පුවත්, විශේෂයෙන් මා හට පෞද්ගලිකව ඉලක්ක කරමින් පළ කරන ඒවා පිළිබඳව සී.අයි.ඩී ය (CID) වෙත මා විසින් අද නිල පැමිණිල්ලක් ගොනු කළෙමි.
මෙවැනි පහත් ක්‍රම මගින් කාන්තාවන් දේශපාලනයෙන් ඉවත් කිරීමට උත්සාහ කරන්නේ නම්, අප ඔවුනට කියන්නේ – ඔබලා තවත් උත්සාහ කරන්න! එවැනි අසාර්ථක උපක්‍රමවලින් සාමූහික ව්‍යාපාරයකින් බිහි වුණු රජයක් බිඳ වැට්ටීමට සිතන්නේ නම්, ජීවීත කාලයම උත්සාහ කරන්න!
මෙවැනි දේශපාලනිකව අනාථ වූ කණ්ඩායම් මෙවැනි සිල්ලර කුමන්ත්‍රණවලට වෙර දරන මධ්‍යයේ, අපි අපේ ගමන යන්නෙමු”, යැයි කෞෂල්‍යා ආරියරත්න සිය ෆේස්බුක් පිටුවේ සඳහන් කර ඇත.
Lanka Power News report
